Një turmë është mbledhur jashtë teatrit Apollo në Pirgos, ku Angelina Jolie ka mbërritur sot për xhirimet e filmit “Maria”.
Pas përfundimit të xhirimeve, aktorja fituese e Oskarit doli nga teatri e veshur dhe e lyer si Maria Callas dhe u drejtua drejt makinës me djalin e saj, Maddox.
Megjithatë ajo nuk ka munguar të përshëndesë fansat e saj, të cilët ishin mbledhur rreth makinës dhe e brohorisnin.
Aktorja përshëndeti publikun me një tundje të dorës, duke u ndalur për të buzëqeshur para kamerave.
Më pas ajo hipi në limuzinë dhe u nis për në Katakolo, ku do të vazhdojnë xhirimet.
Paraprakisht media vendase ‘patrisnews’ ka publikuar foto, por edhe një video të mbërritjes së aktores në teatër.
Tani për tani, aktorja është nisur drejt jahtit Christina O që i përkiste Aristotle Onassis. Greku Aristotle Onassis do të interpretohet nga aktori turk Haluk Bilginer.
Sipas informacioneve, aktorja ka bërë të ditur dëshirën e saj për t’u akomoduar në jahtin luksoz. Megjithatë, deri më tani nuk dihet se ku do të qëndrojë në fund.
Sipas botimeve të huaja, akomodimi në jaht kushton 100 mijë euro në ditë, shumë që do të përballohet nga kompania e prodhimit.
Xhirimet do të zgjasin gjithsej nëntë muaj. Tashmë kanë nisur në Paris, ndërsa vazhdojnë në Pyrgos Ilias dhe në Teatrin Bashkiak të Amaliadës. Produksioni do të jetë gjithashtu i vendosur në Budapest dhe Milano.
